هام جدا 🌹كشفتلكم عن اسراري الخاصه في هذا الفيديو 🌹🌹

الله يشفي بنتج اللهم امين حجية بيعي البيت واشتري بمكانو بيت بشقلاوة اشوف من ينزلون الاسعار رخيصة حتى تاجري هناك للسياح ويجيبلج وارد واكعدي يم اولادج كل اسبوع يم واحد حتى لايستثقلوج واذا واحد راح يجوز حتى لو مع نفسو يكول ليش بس اني ولدها لمن ماتسدين القرض وهم هذا البيت بشقلاوة تروحون تصورين بي فلوكات وتتونسين والله كريم❤

حبيبتي خاله أم زيد أنت انسانه مومنه وتعرفين الله خلي املج برب العالمين كبير شويه صبري ولتبيعين البيت بيتج هو سلاحج هو امانج هو راحتج الماعنده بيت ماعنده وطن لتستعجلين تكدرين تاجرين بيتج وانت اجري شقه صغيره وهم نفس شي وشوي قللي من مصاريف المو ضروريه الحياة الله يفرجها عليج ويشافي بنتج شفاء عاجل أن شاء الله

ام زيد الغالية العزيزة اني اليوم صايمة من فضل الله ومشغله الفديو ويه الفطور بچيت ع وضعچ ووضع صفا وشهگت لرب العالمين ودعيت من كل گلبي ان شاء الله يشفي بنتچ ويسر امرچ ويفتحلچ باب رزق مينسد صدگيني عوض رب العالمين چبير وربي يطنيچ الصحه والعافيه وطولة العمر بيعي البيت اني وياچ بهذا القرار ودللي نفسچ ايجارات اربيل رخيصة حرري التقاعد حتى تعيشين حياة كريمة وان شاء الله ربي يقدرلچ الخير بكل خطوة آمين يارب العالمين ❤

لا ام زيد لا تبعين البيت لان البيت وطن وماراح تترتاحين يم احد ابدا عند تجربه اجري بيتج واجري شقه احسن حل لان محد يتحمل احد

المفروض ولدج تعيشين يمهم وهم يساعدوج وتساعديهم

اعتبريني مثل بنتج واني اقدر حبج لابنائج وتصرفج السابق علمودهم وانتي اعترفتي انه خطأ لاتكررين الخطأ واذا تبيعين بيتج هذا اشتري بيت ازغر منه حتى لو 50 م وباقي الفلوس سددي بي القرض وعيشي منه تره الايجار مو سهل بهذله حتى لو تكولين عندج راتب هم مراح يكفي اتمنى متستعجلين باي قرار واستشيري اكبر عدد بهذا الموضوع

صح

حبيبتي حجيه لا تقهرين نفسچ أهم شي صحتچ الفلوس تروح وتجي بس الصحه إذا راحت صعب ترجع وانشاء رب العالمين يوكفلچ ويشافي بنتچ وكلي امرچ الرب العالمين والله نعم الوكيل ❤❤

بالنسبة للسيارة تكدرين تبيعيها وتشترين جديدة بالقسط اكو شركات باربيل تنطيهم مقدمة وينطوج سيارة بالقسط..وباقي مبلغ سيارتج تسددين المبلغ الباقي من القرض الي ماخذته على راتبج..احسن متبيعين البيت ..والله يفرج عليج همج وعالجميع ان شاءالله..صدكي اغلبنا العراقيين دنمر بظروف صعبة وقاسية وميعلم بيها غير رب العالمين وهذا كله امتحان النا من رب العالمين..ولمقدار صبرنا وتحملنا..

السلام عليكم ورحمة الله وبركاته.. والله ياحجية ام زياد شكلج عبالك موغريب علية كانما اعرفج من زمان وجائز جنا سوية بأحد المدارس.. ومن ناحية البيت لاوالله مااوافقج اتبعين.. بس اكولج ابحثي باليوتيوب لابد اكو اشياءتخدمج مثلا اذا اكو مساحة جبيرة عندج بالبيت او بصف البيت إذا يسمحون اتسوين مشروع دواجن او اي مشروع تستفادين منه حاليا واحتمال ربي يطرح بي الخير والبركة ان شاءالله ❤❤❤

اختي الغاليه ام زيد مقترح صغير بيعي البيت وابني ويه احد اولادج مشتمل غرفه وصحيات وهول صغير بنصف مبلغ البيت والنص الثاني فكي الازمه الي انتبيه الله يوفقج اختج من الناصريه ام مهند 🎉🎉🎉😂😂😂❤❤❤

لا يا حجية أم زيد لازم يساعدونج
هذا واجبهم
بيعي البيت عشان ما يورثونج. ما يستاهل كل من أهمل والديه

حجية الله يعافي بنتج ويعافيج ويفرحج بشفائها ويشافي مرضانا جميعا. والبيت ابدا لتفكيرين بالبيع لان تخسرين ماديا ونفسيا لان الايحار ماينراد الشهر منا يجي ومنا يروح ركض ركض وماتلحكين ع فلوس الايجار. وبصراحة اولادك وبناتك كلهم حبابين ويحبوج بس مثل ما ذكرتي بالفديو كل واحد مسؤول عن بيت واطفال وعائلة ودوام يعني مايفرغون. والخطأ وحشاج من الخطأ من كنتي مستقرة انتِ وام مهيمن بيت واحد وبالمدينة وبعتي البيت وعزلتي هذا خطأ
كانت بنتك عينها عليج وعينج عليها ومروة وزوجها مصطفى كلش حبابين وطيبين الله يحفظهم لكن حضرتج اختاريتي العزل عنهم .بعد شي صار لكن لتكررين الخطا وتبيعين البيت هو سندج ولتكولين شبقى من العمر اولا بعدج مو كبيرة كلش وثانيا العمر لا بالصغير ولابالكبير كلمن ويومه فكولي يالله واصبري تنسد باب ورب العالمين يفتح الف باب وانتِ احسن بهواية من ناس شلون عايشة بس الله يعلم بيهم وكلامي هذا كله عن تجربة . طلبتي رأينا وهذا رائي والقرار الاول والاخير الج لكن بعد التفكير بتأني والله يختار لكي الخير ان شاءالله
اسفة طولت بالتعليق تحياتي ام سمير

بالنسبة للبيت برأي لتبيعيه وتكعدين إيجار لأن متعرفين الزمن شضاملنا والحمدلله إنه عدنا بيت ملك وتقاعد نعيش منه ومنحتاج لأحد تالي عمرنا..ويبقى الرأي الأول والأخير لحضرتج

حجيه اذا كلش اضطريتي لبيعة البيت
من تبعين البيت وتأجرين شقة بسعر مناسب جدا وانطي ثلاث سنوات وفلوس الباقية سوي بيهن مشروع منا لثلاث سنوات مشروعج ينجح باذن الله والله ينطيج صحه وعافية

والله حجية انتي فخر لكل ام مجاهدة وهذا حالنا الله يريح بالج،اختك من الفلوجة سوي اللي تريديه وانشاء الله فكرتج صح صح

خالة ام زيد لتبيعين البيت ترى البيت وطن ترى بعدين تنذلين وخا صة عد الجناين ام دينا❤❤

حبيبتي حجيه ام زيد الغاليه اكو اقتراح ان تاجرين البيت وتأجرين شقه صغيرة ويفرقلج مبلغ بسيط يساعدج بالحياة اختك من بغداد ام هدير

والله قبل ماشاهد الفديو انطي لايك لعيونج والله ياحجيه جاي انقهر عليج من اسمع تحجين حالتج انشاالله يريح بالج رب العالمين ميقصر وياج ام كرار من الشطره

الله يعطيك الصحه والعافيه

اسم الله عليج خاله مامتعودين هيج نسمع صوتج شده وتزول ان شاء الله حبيبتي انتي ربي يشافي ام محمد وترتاحين هي من تمرضت انتي كلش تعبتي خاله اشتري شقه شكو بيها المهم ترتاحين ومتحتاجين اي احد تسكنين يمه

حبيبتي خاله صح مثل مادگولين راتبچ موجود والحمدلله ومن عنده تدفعين أيجار بس انتي ماضامنه صاحب البيت بأي لحظه يگلچ بلازحمه فرغيلي البيت وما يهمه برد حر مره چبيره بلعمر هي هنا المشكله ياخاله لاتستعجلين بس بحاله وحده تبيعين اشتري لا تأجرين والله يسهل امرچ وامرنا آمين رب العالمين .

اللهم يسهل امورج حجية هي هذي الحياة الله ينور بصيرتج وانشاء الله يفرجها عليج

عزيزتي حجية ام زيد المحترمة ..اني هم مثلج متقاعدة واسكن اربيل ..هفالان ..اولا..ربي يشفي بنتج ام غدير شفاءا لايغادر سقما ويفرحج بشفاؤها ويشفي كل مريض ان شاءالله..بالنسبة للفلوس مال الحجي الله يرحمه تكدرين تقدمين طلب لمدير المصرف وتطلبين كشوفات بالمبالغ المسحوبة من رصيده ومنو سحبها وتعتمدين عالقسام الشرعي وشهادة الوفاة او تخلين محامي يقوم بهذه المهمة إذا أنت تعبانه وماعندج خلك للمراجعات..والله يظهر الحق ان شاءالله..وهل المرحوم كان مسوي وكالة عامة لأي أحد حسب علمج اولا؟؟

حجيه بيعي البيت وسددي القرض واشتري سياره وطلعي تونسي هيه مره وحده نعيش ومابقى من العمر كد الي راح واذا احتاجيتي فد يوم رجعي لولدج وبناتج كل فتره عد واحد غصبن عليهم يداروج ماقصرتي وياهم طول عمرج تركضين علمودهم توكلي على الله وصلي صلاة استخاره والله ييسر امورج يارب..ام محمود من بغداد نفس عمرج وعايشه وحدي وهم دا افكر ابيع بيتي

السلام عليكم حبيبتي حجية أم زيد اولاََ/الله يشافي بنتج أم محمد بحق محمد وال محمد وان شاء الله ترجع صحته أحسن من قبل ثانياً/كلامج صحيح لأن مثل ماكلتي أغلب متابعيج بنفس عمرج ونحس بيج أني متابعه جديدة انصحج لا تبعين البيت لأن ماتعرفين المستقبل اضملج لا سمح الله من مرض لأن إحنه كلنه معرضين للمرض وخاصة إذا مرض صعب فعلقل تبلغين اولادج إذا تمرضت وماعدكم افلوس تصرفون عليه بيعوا البيت وبالفلوس عالجوني لأن عظم بنيدم ثگيل وهس ماطول الله رزقج صحة تكدرين تسوين أكلات بالبيت وتبعين مع القناة او تسوين خط بسيارتج مال بنات مدرسة وهم يجيج مورد ويه القناة والله ويبرد گلبج ويشافي بنتج أم محمد ويشافي كل مريض بحق محمد وال محمد

حبيبتي حجية گولي الحمد لله والشكر غيرج گاعدين ايجار وعاشين عالتقاعد وبالشهر كومة يحتاجون ادوية وهم كهرباء ومولد وبانزين وهم انگول الحمد لله والشكر

فرج قريب بااذن الله والبي صالح يقدمه الج رب العالمين والشفاء العاجل لبنتج بحق الرسول 🎉❤

حجيه انتي هسه حالتج النفسيه تعبانه لتسعجلين الله يحله استغفري ربك وذكري وذبي حملج عليه

ربي يشافي مريضج ومرضى المسالمين يارب المرض من يصيب فرد من العائلة الكل تتأذى وياه ربي يشفيه يارب ويشفي مريض يارب ❤

حجية والله عن تجربة جوانيرنا باعت بيتهة ضلت يم اولادها بس مأرتاحت ابد ان شاء الله يشافي صفا ويريح كلبج انتي تستاهلين كل خير

الله يسهل امرج علاقتج ماشاء الله زينه وطيبه ويه اولادج وعوائلهم ليش معيشين وي واحد منهم الله يريح بالج وحياتج للافضل ان شاء الله ❤❤❤❤

حبيبتي حجية اعتبريني بنتج داشوف القهر والكسرة لانتي بيهة وانشالله عمرج مشوفين قهر لان انتي انسانة طيبة انتي عرضتي ضرفج وكلتي شاركوني بي حبيبتي انتي ام ومن حقج على اولادك الله يحفظهم اربعة المفروض واحد منهم ياخذج يمة وبيتج متبيعي تاجري وتستفادين من الايجار وهية ازمة وتعدي وتعيشين من الايجار انتي كبرتي وزوجتي وامنتي مستقبلهم اجة الوكت ليوكفون وياج ويردون الجميل الج وهمة باجر يكبرون واحتمال يمرون بهيج ظرف هم عينهم على اولادهم والقرار الج حبيبتي متابعه من بغداد ام عصام زين هم ذكرت ليش متبيعين نص البيت والنص الثاني كعدي بي

يا هلا بالحجية الغالية بالنسبة للايجار صعبة بالنسبة لكبير السن والبيت وطن سواء زغير او كبير بالعمر ممكن تشترين بيت ارخص اهم شي ملك إيجار بهذلة

اللهم صلِّ على محمد وآل محمد
اللهم بحق محمد وآل محمد اقضي حاجة ام زيد وفرح قلبها وحاجة كل محتاج آمين يارب العالمين 🤲

حبيبتي حجيه ام زيد صلي صلاة الاستخاره ون شاء الله رب العالمين ينور بصيرتج للطريق الصح

احسن حل او احسن تفكير نفذي كلامك حجية كاه صح سددي القرض لانه القرض هو بحد ذاته مرض كلامك كله صح احسن اقتراح توكلي على الله وهو خير وكيل

حجية سوي الي يريحج هاذا ملكج وانتي حرة بي وبعدين اذا بعتي البيت اذا عندج سلفة على راتبج حرري راتبج هم راح ترتاحين من تاخذين راتبج كامل او شوفي شقة صغيرة

حجيه حبيبتي ربي يفرج همج حجيه الي تشوفينه مناسب الج سويه حجيه بيع البيت وفكي ازمتج وخلي مبلغ بسيط بالمصرف يفيدج للعازه

بيعي البيت واشتري اصغر منه بشقلاوة للايجار السياحي سوي ومن خلال القناة تكدرين تاجري للسياح اسبوعيا
اما القرض ف نصيحة لا تسددي هو على كيفه ينسد وهسة على ابوب الصيف تكدرين تستفادين من ايجار السياحي

والله حجيه سوي الي يريحچ ولتخافين ابددد متنذلين ماطول عندج راتب واولادج كلهم عدهم بيوت ملك وهي اصلاً من عندج لتشيلين هم بيعي البيت واتوكلي وريحي نفسچ ❤❤❤❤❤

الله يشافي ام حمودي ويشافي كل مريض ان شاء الله

الله يفرج همج ويسهل امرج ويفك كربتج بجاه المصطفى محمد امين يارب العالمين

هلا وغلا حجيه الله يساعدج ويفرجها عليج ويشافي بنتج وتستاهلين كل خير وانتي اخت عزيزه ودوم ادعيلج بالخير حبيبتي وان شاءالله ازمه وتعدي اهم شي صحتج ربي ينطيج الصحه والعافيه ويبعدج من كل مكروه ويحفظ اولادج وبالتوفيق ياااااارب🙏

حجيه الف سلامه على بنتك ربي يشافيه ويزيل همك

سلامات خالتي العزيزة وربي يفرجها على كل مهموم ❤

الف سلامه حجيه لبتج الله يحفظها وان شاء الله يوفقج وتختاري الاحسن

حبيبتي حجية انتي إنسانه واعية ومثقفه واكيد أنتي أعرف بضروفج بس صدكي فلوس البيت تتصرف بسرعه وبعد مترجع اكو حل ماعرف اذا يفيدج لو تبنين غرفه وصاله وحمام فوك بيت ابو يزن فد شي بسيط وتنزلين درج هم هو عينه عليج والبناء هم يفيده وعلى الأقل هو وعائلته حواليج وباقي الفلوس تصرفين بيهة

حجيه هذه حياتك وانت اعرف بيها سوي الشي الي يريحك ونتمنى الشفاء لام محمد

السلام عليكم حجية حبيبتي انت سويتي اللي عليج ماقصرتي ويا عائلتك وكلمن انطيتيه حقه وهذا البيت هومن حقج انت حرة تصرفين بيه شحسوين بيت ملك وانت محتاجة إلى هواية مصاريف احنة بهذا العمر نحتاج هواية أدوية ومصاريف اني قريبة من عمرك رأي اني وعن تجربة بيعي البيت واخذي فلوسه وسدي فلوس القرض وباقي الفلوس اجري اما. شقة او بيت انت على راحتك واصرفي واكلي وتونسي وسافري محد راح يكولج شنو محتاجه وصلنا إلى عمر شنسوي بالملك باجر عكبة الله يطول بعمرج هم راح يبقى البيت وتصير مشاكل عل الورث ويصير كلام مو حلو بحقج اذا هسة ماتتمتعين بفلوسج لعد شوكت صدكيني عن تجربة وتجارب كثيرة اخذي بنصيحتي ولا راح تندمين ابد شبقي بالعمر حتى نضم بيوت وعيايفيه للوراثة لا حمدا ولاشكورا كلمن يكول ياروحي صدكيني هذا رأي واعرف طولت هواية من محبتي وحرصي عليج ولاتنقهرين عل اللي عيشي حياتج الان

الله يفرجهه عليج حجية ويشافي ام حمودي انشاء الله ❤

الله يشافيج ويطول بعمرك ويشافي بنتج ويسهل أمرك اللهم انهم عبادك وانت ارحم بهم❤

ان شاء الله كل خطوه تخطيه بيه رزق وخير يارب

صدكي حجيه كلنا هيج وأولادنا تعدت اعمارهم الاربعين ويحتاجون لنا سنه الحياة

حبيبتي ام زيد لتقهرين نفسج ولتفكرين هوايه الله يحلها انشاء الله ❤

منوره خاله الله ايفرجها عليكم وان شاء الله ام حمودي ادكوم بالسلامه ونصيحه من بنت بكد بناتج الله ايحفظهن لتبيعين البيت متدري الدنيا اشضامتلج

الشفاءالعاجل لام حمودي

خاله حبيبتي مو تدخل مني أجري البيت وكعدي يم مروه انتِ متعلقة بيها وابو مهيمن إنسان خلوق لاصغرآ بالباقين

اللهم صلِّ على محمد وآل محمد الطيبين الطاهرين
ألف ألف عافيه على قلبج حبيبتي وربي يفرحج ويفرجها عليج ياأم قلب الطيب بحق محمد وآل محمد الطيبين الطاهرين آمين يارب العالمين 🤲

حجية حبيبتي اشوفج ضايجة او مهمومة سلامات تعودنة عليج وجهج بشوش وكلج تفاءل بالحياة خير ان شاء الله فترة وتفرح ربي يحفظكم❤

كلامج ذهب اذا بعتي بيت بعد مايتعوض ولا تشترين بيت اذا عندج فلوس يخلصن وهذا ساعدونا وانا داينه هم ايجار يراد لو ملك مادفعين ايجار ويوميا مكان اجري هذا لبيت وبفلوسه اجري اقرب ولا تبيعنى والله يشافي ام حمودي ويشافي كل مريض ان شاء الله

براحتج حجيه ترتاحين هذا الشئ سوي وانتي الاعرف❤

يا عمري الله يسهل امرج يارب ويشافي ويعافي كل مريض

حبيبتي حجيتنة الغالية والله غالية..ومشكورة لأن دتشركينة بحياتچ الخاصة ..بس نصيحتي الچ نصيحة اخت لأختهه ابد ابد لتبيعين البيت لأن البيت هو السند والسند رب العالمين. لأن اذا بعتي البيت والله تضيعين أما اولادچ صح الهم حياتهم بس همة السند للدنية وربي ميحوجچ. لأي أحد ..وانشا الله عمرچ طويل وربي يفرجهه عليچ بأقرب وقت ..وربي يشافي ام غدير..والله مبيين من صوتچ كلش مقهورة..متستاهلين غير الحياة الهادئة المريحة وانشا الله الفديو الجديد ترجعين احسن من الاول..و نعم بالله وترجع ضحكتج الحلوة ..

عيشي حياتك حجيه هو عمر واحد الله موجود وما يخلي حمل مطروح حجيه حاشاه الله كريم

امين يارب يفرج عنا وعنج ام زيد الغاليه والله يعز علينا أن تنقهرين والله متستاهلين الي دايضير بيج ربي يوفقج يرزقج من أوسع أبوابه نحبج ونموت عليج ياغالي ام زيد ❤❤❤❤

الله يسهل امورج حجية بحق محمد وآل محمد

سلامتج من اي جلطه ومرض بيعي البيت والله موجود محد يموت حشاكم من الجوع والبرد الله مينساج اختي الغاليه

يارب يشافي ام حمودي

أن شآء الله العمر الطويل والصحه والعافيه الح وبنتج ام احمد وتبقين منوره القناة بالله ❤❤❤

الله يخفف حملچ بحق محمد وال محمد

السلام عليكم ورحمة الله وبركاته حبيبتي أم زيد مبينه اليوم كلش تعبانه ومختنكه الله يعينج والله فرج كربتج والله يشافي بنتك عاجلا وليس ٱجلا بجاه النبي محمد وٱل محمد حبيبتي حجيه احس بيج خانكتج العبره الله يعينك احبك كثير ❤

الله يعطيك العافية ❤ ويشفي كل مريض

لا تقل همي كبير قل ربي كبير وعظيم اختي الغاليه فوضي امرج الى الله والله موجود يفرج همج ويحل مشكلتج ويشافي ام حمودي ان شاء الله اهم شيء بالحياة الصحه والايمان بالله 🤎🧡

❤❤❤❤❤❤اللهم يشافيها ويعافيها

حجيه لاتبيعين بيتج البيت وطن كل شي يدبر اله البيت والايجار بهذله

حجيه اذا بيعت البيت يرجع راتبج وتشترين سياره زينه بيعه احسن وتونسي احسن متبقين مرمره ويبقه بخت الوراثه على كولتج مبقه بلعمر بس اهم شرط كون يرجع راتبج كامل حتى اتكدرين تعيشين وتاجرين

والله حجيه انتي ماطول عندج راتب تقاعد عمرج متنذلين عادي اتأجرين وترفهين نفسچ ❤❤❤❤❤❤

حجية ام زيد العزيزة, لو تفكرين بايجاد مصدر دخل جديد, مثلا تدريس خصوصي من البيت او اونلاين, لغة عربية او اي اختصاص اخر لديك خبرة به... او توصيل موظفات او طالبات الى الشغل او الجامعة. هذي الانواع من الاشغال مابيها التزام بدوام طويل وتسمح لك ان يبقى عندك وقت للراحة او متطلبات الحياة اليومية. وانشاء الله يسهل الامور ويرزقك من اوسع ابوابه.

حبيبتي ام زيد اني متعودة اشوفج قوية واليوم شفتج من بداية الفديو عرفت مو على بعضج 😢 احنا نحبج ويعز علينا نشوفج بهذي الحالة محتارة بلتفكير والحزن مخيم عليج احنا نتمنى تطلبين من عدنا شي ونقدملج عيونا ونخليج على راسنا راح نسوي اشتراك لكل معرفنا وراح نندعيلج ليل ونهار ربي ييسر كل امورج ويشافي ام حمودي ويشافيج ويفتحلج الف باب قادر يا رب العالمين

الله يقدم لك كل خير يارب يارب 🤲🤲

اللة يعطيكي الصحة والعافية

الله يعينج و يوكفلج بصعب الامور

الله يشافيها

مورو خالة ربي يسعدج نصيحة نصيحة نصيحة الزيت اللي شربي مضر بالصحة استعملي زيت الريزي يفيدح عندج سكر وظغط الزيت بالقلب موزي النوم ب ينشرب مضر للقلب عن تجربة ربي ييعافيج يارب😊

حبيبتي ام زيد اذا بعتي البيت راح تروح فلوسه مثل اللي قبله وراح يذبوج بالشارع وينطون الحق لنفسهم انه انتي ضيعتي الفلوس ومراح يكولون صرفتها علينا.
اكعدي ببيتك وحاولي تسددين قروضك لانه اذا لم تجدي من يساعدكم الان وانت بقوتك سوف لن يساعدكم وانتم في حال الضعف .
حذاري حذاري اعتبري انه ليس عندك بيت الان
صارو زلم ونسوان المفروض ان يساعدج.
سدي بابك وكفي نفسك بما لديك حاليا.

الله ايوفقك ويريح بالك

الله يرزقك الرزق الحلال يالله والله نغهرنا عليك الله. يسهل عليك ❤

حبيبتي خالة القهر موزين عليج وانتي عندج سكر انتبهي لصحتج محد ميفيدج كل حياتج ركضتي للكل وبالاخير بقيتي وحدج حبي نفسج رب العالمين هم ميقبل التضحية بدون مقابل إنشالله الصحة والعافية والموفقية بحياتي

الله يفرجها عليج حجيه وانشاؤ الله بنتج تتشافى من تلمرض بحق محمد وآل محمد

سلامتج حبيبتي ... ما تشوفون شر ... الله ايطمنج على بنتج ❤

بيعي البيت واشتري قطعه أرض والباقي رتبي وضعج بي والله المستعان

حجية الله يسهل امورج ويرزقج اني رأي تبنين يم واحد من اولادج مشتمل صغير او تبيعين وتشترين بيت اصغر والباقي تسددين ديونج بس ابدا لا تجازفين وتكعدين ايجار وانتي بهذا العمر صعبة عليج وصلي استخارة بلكي ربج يلهمج القرار الصحيح بس اكرر لاتجازفين بالايجار وان شاء الله الرزق الواسع

الله يفرج عليك همومك

حجية اذا راتبج يكفي ادفعين ايجار مع مولدة وعيشة بعد براحتج والله يفرجهة ويشفي ام حمودي 🤲

❤❤الله يفرج همج

تصلين ما دمت تحاولين ❤❤

اشتري بيت صغير بنص فلوس والباقي صرفيه على متطلباتج حتى الله يسهله وابد لا تكعدين ايجار ايجار مصيبه وراح تخسرين الاول والتالي لاسمح الله

منوره خاله الله يكون بعونج ويفرج همج ويرزقج بيع البيت خاله هاي احسن الج ان شاءلله ترتاحين وتفرج عليج

حجية اخت عزيزه بيوتنا كلها بيتج